ენერგო-პრო ჯორჯიას ტექნიკურმა ბრიგადამ ექსტრემალურ ვითარებაში წარმატებით შეასრულა ურთულესი სამუშაო
სს „ენერეგო-პრო ჯორჯიას“ სპეციალური ტექნიკური ბრიგადა ალპურ ზონაში 4 საათის განმავლობაში მუშაობდა. დაზიანებული 110 კვ ძაბვის ელექტროგადამცემი ხაზი „მოაშის“ აღდგენის მიზნით, სამუშაო ლენტეხის რაიონის კურორტ მოაშთან 5 კმ-ში, ზღვის დონიდან 2400 მ სიმაღლეზე მიმდინარეობდა. ხაზის ავარიულ მონაკვეთთან ბრიგადა ვერტმფრენმა დატოვა, რადგან რთული რელიეფის და დიდთოვლობის გამო, დაზიანების ადგილამდე მისვლა შეუძლებელი იყო. გარდა ამისა, ფიქსირდებოდა -15 C0 ტემპერატურა და ამ პირობებში კომპანიის თანამშრომლებს მოუწიათ ხელით სამუშაოების შესრულება.
